Pasambahan

Tidak ada kata, pantun, sajak, puisi yang dapat mengambarkan keindahkan yang diciptakan  Tuhan YME kepada kampung halaman yang banyak mengundang turis lokal maupun mancanegara untuk melihat secara langsung keindahan yang ditawarkan alam Minang semoga kita semua dapat memelihara ciptaan-NYA. (inset Danau Maninjau).

Saketek Dari Urang Rantau :

Assalamualaikum

Sapihak dek kami ko nan datang nan sararak langkah dari rumah, sarayun lenggang dek nan bolong, manuju ranah kampuang, nan ko kampuang nan endak katinggian dipaga bukik bakuliliang, disalo gunung tungku tigo, tigo nan cukuik sajarangan. Batang karambia linggayuran, rumpuiknyo gatia-gatia liaran, sawah bapiriang kanan data, ladang bapetak dinan lereng, cando dusun batumpak-tumpak. Maijau rono parak mudo, jaguang maupiah dek tangkai bak timak bungo lado, buah taruang ayun-ayunan salo manyalo kacang panjang antimun mengarang buah.

Mako diiliakanlah jalan nan panjang, jalan rayo titian batu labuah gadang cindai tajelo. Labuah cindai tajelo kasiah manipih bak dipipih, pasianyo aluih bak di pimpiang batu bulek susun basusun, paga iduik baliak ditimba, pudiang ameh sabalah lua, pudiang itam sabalah dalam, diluang babatang-batang mambelok lalu ka halaman, mambelok lalu ka ilaman ndak panjang amek malayah bungo saliguri marumbai bungo tali-tali bungo tinjau sapanjang kawan, tabik paromo randah-randah. mako babunyilah bunyi-bunyian maririah si balang talai bakukuak di nan pancuci marentak balam bungo tawa.

Talengong ka dalam parak, cubadak lalaian daruak, kamuniang sandaran alu limau manih pautan kubu, tabek baguntan ba kiambang, aia nyo janiah ikannyo jinak bulari babondong-bondog bada sapek basikua-sikua bada puyu barayangek gariang malinteh-linteh, salorong jo badan diri kami nan basak buruang bundo tabang sakawan di udaro babega di rimbo nan satumpak maraok di kayu rimbun, daun tatagun maliek rantiang lai ka suko diingok, kami bukan kamari sajo sikajuik tumbuah jo ilalang, kamari bukan kamari sajo, gadang mukasuik nan bajalang. badia japun dibangka ulu, penembak kapa dimuaro, bari ampun ambo dek pangulu sambuiklah salam dek juaro.
Kutipan : Dr. H. K. Suheimi

KLV001074890

Jam Gadang Jaman Bulando

Responses

  1. Ass.oiiii pak nop busssyettt…

    kren bgt web na…

  2. siipp… keren bgt web na..

  3. cooool abiieeess

  4. iyo kagum bana mancaliak kurai tempo doeloe,damai…..

    • emang,, fotonyo ancakk.. barang langka….,, perlu diperlihatkan ke generasi bawah…
      @kid..,, yo la damai… damai dibwah tekanan bangsa asing..

      • spps fajri……. foto memang untuak di lihat di copy untuak orang ramai

  5. subhanallah betapa bangga dg bukittingii…
    ijin share ftonya ya pak

    • Ancak di share sabanyak2 nyo…… silakan

  6. Merinding……….terima kasih. Orang seperti bapak ko yang kito butuhkan untuak ranah minang ka muko.supaya generasi kita indak kahilangan tungkek. ooiiiiiiiiii mano anak sastra minang yang lain,bagabuanglah, bangun-banguuuuuuuuuun jan lalok juo

  7. ok bgt

    • thank….. ira

    • Thank….


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: